Monday, May 20, 2013

სხივური თერაპია

ნინის მკურნალობა გეგმა-ზომიერად მიმდინარეობს.

ამ ეტაპზე გაუკეთდა ჰერცეპტინის 4 გადასხმა. გასაკეთებელია კიდევ 14 გადასხმა.

სხივური თერაპიის 3 კურსი, დარჩენილია 17 ვიზიტი სხივურ თერაპევტთან.

შუალედური ანალიზების პასუხი დადებითი და მკურნალობის შესაბამისია.

Sunday, April 21, 2013

ჰერცეპტინის მე-3 გადასხმა

17 აპრილს ნინის გადაესხა მე-3 ჰერცეპტინი. დარჩენილი კიდევ 15 გადასხმა. ამ ეტაპზე გვესაჭიროება კიდევ 8 ფლაკონი ჰერცეპტინის შეძენა.

მაისში დაგეგმილია სხივური თერაპია, რომლის სავარაუდო ღირებულებაც შეადგენს 10 500 ლარს.

Friday, April 12, 2013

მე-6 ქიმიოთერაპია

დღეს ნინი ბოლო ქიმიოთერაპიის კურსს იტარებს!!! ორგანიზმის მდგომარეობა დაიწყებს აღდგენას და ფიზიკური მდგომარეობაც უკეთესობისკენ წავა.

ამ ეტაპზე მას გაკეთებული აქვს 3 ქირურგიული ოპქრაცია, 6 ქიმიოთერაპია და 2 ჰერცეპტინი.

შემდგომი, რიგირთ მე-3 ჰერცეპტინი უწევს 17 აპრილს.

Wednesday, March 6, 2013

ჰერცეპტინის მიღება დაიწყო

ნინი დღეიდან ჰერცეპტინის მიღებას იწყებს. ყოველ 3 კვირაში მოუწევს ახალი გადასხმა, სულ გასაკეთებელია 18 გადასხმა , რისთვისაც 15 ფლაკონი საკმარისია, თითოეული ფლაკონის (440 მლ) საბაზრო ღირებულება 4157 ლარია, 3 ფლაკონის ერთად შეძენის შემთხვევაში გათვალისწინებულია ფასდაკლება.

პირველი გადასხმის ჰერცეპტინის მიწოდება უზრუნველყვეს ABC ფარმაციამ და ”იმედი-L”-მა.

Thursday, February 28, 2013

ახალი ეტაპი

1 მარტს ნინი ქიმიის მე-4 კურსს იკეთებს.
მალე ნინი ჰერცეპტინის მიღებასაც იწყებს.

Tuesday, February 12, 2013

მე-3 კურსის შემდგომ

ქიმიოთერაპიის მე-3 კურსის შემდგომ ნინი თავს ნორმალურად გრძნობს. კურსმა გეგმიურად ჩაიარა.

Thursday, February 7, 2013

ქიმიოთერაპიის მე-3 კურსი

პარასკევს, 8 თებერვალს დაგეგმილია ნინისთვის ქიმიოთერაპიის მე-3  კურსის ჩატარება.

Friday, January 25, 2013

წერილი ნინისგან:

მეგობრებო, დიდი მადლობა გულშემატკივრობისთვის და კეთილი სურვილებისთვის. სამწუხაროდ ვერ ვასწრებ, რომ ყველას ინდივიდუალურად გიპასუხოთ (ძალიან ბევრი წერილის გამო).ოპერაციამ კარგად ჩაიარა და თავს მშვენივრად ვგრძნობ. ჩემი შემართება იმდენად ძლიერი და მყარია, რომ ვერანაირი დაბრკოლება ვერ დამაჩოქებს, რაშიც ძალიან მეხმარება უამრავი კეთილი ადამიანის (თქვენი) მუდმივი გულშემატკივორბა.უახლოესი დღეები მოვერიდები ხალხმრავლობას. გკოცნით ყველას! :*****
სიყვარულით თქვენი ნინი ♥

Tuesday, January 22, 2013

დამატებითი ოპერაცია

ნინის დასჭირდა წინასწარ დაუგეგმავი ქირურგიული ჩარევა. ოპერაცია ანთების გამო გამოწვეული გართულებების თავიდან ასაცილებლად 22 იანვარს ტარდება.

მე-2 ქიმია

მეორე გადასხმა გეგმიურად წარიმართა.

Friday, January 11, 2013

მე-2 გადასხმა

დღეს, 11 იანვარს, დაგეგმილია მე-2 ქიმია.